«Реал»нинг собиқ футболчиси оғир дардга чалинди
Ҳозирда у шифохонага ётқизилган.
ФОТО: Getty Images
«Реал», «Фейеноорд» ва Нидерландия миллий жамоаси собиқ футболчиси Ройстон Дренте инсультга чалинди. Бу ҳақда унинг жорий клуби «Де Ребеллен» ижтимоий тармоқларда эълон қилди.
Манбага кўра, 38 ёшли футболчи ўзини ёмон ҳис қилганидан сўнг шифохонага ётқизилган. Дрентенинг соғлиғи бўйича жиддий ташвишлар мавжуд.
Футболчининг оиласи мухлислардан осойишталикни сақлашни, унинг шахсий ҳаётига ҳурмат билан муносабатда бўлишни сўраб, Ройстонга тинч шароитда тикланиши учун зарур бўлган ёрдамни кўрсатмоқчи эканини билдирди.
Насрулло Каримов
Журналист
