“Реал”нинг икки юлдузи жанжаллашиб қолди
Футбол
Насрулло Каримов
Журналист
ФОТО: Getty Images
“Реал Мадрид”нинг сўнгги машғулотларидан бирида жамоа аъзолари Антонио Рюдигер ва Жуд Беллингем ўзаро жанжаллашиб қолди. Бу ҳақда журналист Эду Агтире хабар бермоқда.
Манбага кўра, бу ҳолат жума кунги машғулотларда содир бўлган, бироқ, кўп ўтмай низо ҳал қилинган. Ўйинчилар бир-бирларидан кечирим сўраган.
Эслатиб ўтамиз, “Реал” Испания Ла Лигасининг 31-турида “Алавес”ни 1:0 ҳисобида мағлуб этди. Рюдигер ушбу баҳсни асосий таркибда бошлаган бўлса, Беллингем 63-дақиқада заххирадан майдонга тушди.
