“Реал”нинг асосий ҳимоячиси Чемпионлар Лигасидан четлаштирилиши мумкин
ФОТО: Marca / Diego Souto
УЕФА тартиб-интизом қўмитаси 4-апрель, жума куни Антонио Рюдигер, Килиан Мбаппе, Дани Себальос ва Винисиус Жуниор иши бўйича қарор қабул қилади. Бу ҳақда Маrcа хабар бермоқда.
Эслатиб ўтамиз, ташкилот футболчиларнинг Чемпионлар Лигаси 1/8 финал босқичи жавоб ўйинида “Атлетико”га қарши баҳсдаги (0:1) ноўрин хатти-ҳаракатларини ўрганиб чиқмоқда.
Манбага кўра, Мбаппе, Себальос ва Винисиус жарима ёки бир ўйинга дисквалификация билан чекланиши мумкин. Бироқ, Рюдигер “таҳдидли имо-ишоралар” қилгани учун “Арсенал”га қарши чорак финал ўйинидан четлаштирилиши мумкин.
Шунингдек, германиялик ҳимоячига нисбатан жарима ва шартли дисквалификация ҳам қўлланилиши мумкин.
Насрулло Каримов
Журналист
