“Real”ning asosiy himoyachisi Chempionlar Ligasidan chetlashtirilishi mumkin
FOTO: Marca / Diego Souto
UEFA tartib-intizom qo'mitasi 4-aprel, juma kuni Antonio Ryudiger, Kilian Mbappe, Dani Seballos va Vinisius Junior ishi bo'yicha qaror qabul qiladi. Bu haqda Marca xabar bermoqda.
Eslatib o'tamiz, tashkilot futbolchilarning Chempionlar Ligasi 1/8 final bosqichi javob o'yinida “Atletiko”ga qarshi bahsdagi (0:1) noo'rin xatti-harakatlarini o'rganib chiqmoqda.
Manbaga ko'ra, Mbappe, Seballos va Vinisius jarima yoki bir o'yinga diskvalifikatsiya bilan cheklanishi mumkin. Biroq, Ryudiger “tahdidli imo-ishoralar” qilgani uchun “Arsenal”ga qarshi chorak final o'yinidan chetlashtirilishi mumkin.
Shuningdek, germaniyalik himoyachiga nisbatan jarima va shartli diskvalifikatsiya ham qo'llanilishi mumkin.
Nasrullo Karimov
Jurnalist
