\"Реал\" Жекони ўз сафига қўшиб олмоқчи
Клуб 39 ёшли ҳужумчини кузатмоқда
Фото: Getty Images
Мадриднинг “Реал” клуби ёзда ҳужум чизиғини кучайтиришни мақсад қилган, дея хабар бермоқда Marca.
Қайд этилишича, “қироллик” клуби 39 ёшли Эдин Жекони ўз сафига қўшиб олмоқчи. Тажрибали ҳужумчининг трансферига шахсан мадридликлар устози Хаби Алонсо қизиқмоқда.
Аввалроқ босниялик форвард “Фенербахче”ни тарк этиши маълум бўлганди. Футболчи жорий мавсумни "Фенербахче"да ўтказди. Ҳужумчининг ҳисобида 14 та гол ва тўртта самарали узатма бор.
Шунингдек, “Реал” “Осасуна” ҳужумчиси Анте Будимирга ҳам қизиқиш билдирганди.
Розикжон Султонмуродов
Журналист
