«Реал» Винисиуснинг келажагига ойдинлик киритди
Мадриднинг «Реал» клуби бразилиялик ҳужумчи Винисиус Жуниор билан шартномани узайтиришни режалаштирмоқда. Бу ҳақда Cadena SER нашри хабар бермоқда.
Манбага кўра, «Реал» ўз режаларини ўзгартиришни ўйлаётгани йўқ ва ҳали ҳам Винисиус билан янги битим борасида ижобий кайфиятда. Клуб мураббий ва футболчи ўртасидаги алоқа ҳозирча унчалик яхши эмаслигини тан олган, бироқ бу ҳолат «қироллик клуби»ни тўхтатмаяпти.
Эслатиб ўтамиз, аввалроқ Винисиус «Реал»ни тарк этиш вариантини кўриб чиқаётгани ва агентига янги жамоа топиш топшириғини бергани ҳақида хабарлар тарқалганди.
Маълумот учун, Винисиус жорий мавсум барча турнирларда 13 та ўйинда майдонга тушиб, 5 та гол урди ва 4 та голли узатмани амалга оширди. Унинг Transfermarkt'даги нархи 150 миллион еврога баҳоланмоқда.
