«Реал» Вальвердени сотишни ўйламаяпти – El Nasional
Футболчининг клуб билан амалдаги меҳнат шартномаси 2029 йилнинг ёзигача мўлжалланган.
ФОТО: Getty images
Мадриднинг “Реал” клуби ярим ҳимоячи Федерико Вальвердени сотишга интилмаяпти. Бу ҳақда El Nacional нашри хабар бермоқда.
Манбанинг маълумотига кўра, “Қироллик клуби” Вальвердени сотиш вариантини фақатгина унга қизиқиш билдирган жамоа 100 миллион евродан анча юқори сумма таклиф қилган тақдирдагина кўриб чиқади.
Бундан ташқари, “Реал” мураббийлар штаби унинг ўрнини босадиган футболчи топа олишин керак.
Ўтган мавсумда уругвайлик футболчи барча турнирларда 49 та ўйинда иштирок этиб, ўз ҳисобига 9 та гол ва 13 та голли узатма ёздириб қўйди.
Футболчининг клуб билан амалдаги меҳнат шартномаси 2029 йилнинг ёзигача мўлжалланган.
Transfermarkt порталида тақдим этилган маълумотларга кўра, футболчининг бозор қиймати 90 миллион еврони ташкил этади.
