«Реал» ва Винисиус янги шартнома бўйича музокараларни бошлайди – манба
Мадриднинг «Реал» клуби ва бразилиялик ҳужумчи Винисиус Жуниор футболчининг шартномасини узайтириш масаласини якуний ҳал қилиш учун расмий учрашув белгилади. Бу ҳақда Madrid Zone саҳифаси ижтимоий тармоқда хабар берди.
Аввалроқ матбуотда Винисиуснинг клубни тарк этиши мумкинлиги ҳақида хабарлар тарқалган эди. Бунга сабаб сифатида унинг жамоадоши Килиан Мбаппе билан муносабатлари таранглашгани келтирилган.
Винисиус Жуниор 2018 йилдан буён «Реал» тизимида тўп суриб келмоқда. У ўтган мавсум барча мусобақаларда 53 та учрашувда иштирок этиб, 22 та гол урди ва 14 та голли узатмани амалга оширди.
Transfermarkt маълумотларига кўра, бразилиялик юлдузнинг бозор қиймати 140 миллион еврони ташкил этади. Унинг «Реал» билан амалдаги шартномаси 2027 йил 30 июнгача амал қилади.
