«Реал» Уортон учун асосий даъвогар
22 ёшли футболчининг трансфер нархини 75 миллион еврога баҳоламоқда.
Фото: Getty Images
«Реал» таркибини яна бир англиялик футболчи билан кучайтириши мумкин. Бу ҳақда инсайдер Мигел Серрано хабар берди.
Маълум қилинишича, «қироллик клуби» раҳбарияти «Кристал Пэлас» яримҳимоячиси Адам Уортонга қизиқиш билдирмоқда. «Бургутлар» ўз етакчи футболчисининг трансфери учун 100 миллион евро талаб қилмоқда.
Қайд этиш лозим, Уортон 2024 йил феврал ойидан буён Лондон клуби шарафини ҳимоя қилиб келмоқда. Футболчининг «Кристал Пэлас» билан амалдаги шартномаси 2029 йилнинг ёзигача мўлжалланган. Transfermarkt портали экспертлари 22 ёшли футболчининг трансфер нархини 75 миллион еврога баҳоламоқда.
