«Реал» Тео Эрнандесни Ферлан Мендига ўринбосар сифатида кўриб чиқмоқда
Мадриднинг «Реал» жамоаси Ферлан Мендининг ўрнини босиши мумкин бўлган асосий номзодни аниқлади. AS нашрининг хабар беришича, клуб «Милан» ҳимоячиси Тео Эрнандесни сотиб олишга жиддий қизиқиш билдирмоқда.
Франциялик футболчи «қирмоқлар» мураббийлар штаби қўядиган барча талабларга жавоб беради: у тажрибали, универсал ва испан футболига яхши таниш. Қолаверса, Эрнандес Мадриднинг «Атлетико» академияси тарбияланувчиси бўлиб, 2017–2019 йиллар оралиғида «Реал» сафида тўп сурган.
Жорий мавсумда Тео барча мусобақалар доирасида «Милан» учун 46 ўйинда майдонга тушиб, 5 та гол ва 6 та голли узатма амалга оширди. Унинг италиялик клуб билан шартномаси 2026 йил ёзигача амал қилади. Манбага кўра, бу ҳолат «Реал»га трансфер бўйича мақбул келишувга эришиш имконини беради. Transfermarkt сайти маълумотига кўра, футболчининг бозор қиймати 40 миллион еврони ташкил этади.
