"Real" Theo Ernandesni Ferlan Mendiga o‘rinbosar sifatida ko‘rib chiqmoqda

Futbol 05 may 2025 da 04:48

Madridning "Real" jamoasi Ferlan Mendining o‘rnini bosishi mumkin bo‘lgan asosiy nomzodni aniqladi. AS nashrining xabar berishicha, klub "Milan" himoyachisi Theo Ernandesni sotib olishga jiddiy qiziqish bildirmoqda.

Fransiyalik futbolchi "qirmoqlar" murabbiylar shtabi qo‘yadigan barcha talablarga javob beradi: u tajribali, universal va ispan futboliga yaxshi tanish. Qolaversa, Ernandes Madridning "Atletiko" akademiyasi tarbiyalanuvchisi bo‘lib, 2017–2019 yillar oralig‘ida "Real" safida to‘p surgan.

Joriy mavsumda Theo barcha musobaqalar doirasida "Milan" uchun 46 o‘yinda maydonga tushib, 5 ta gol va 6 ta golli uzatma amalga oshirdi. Uning italiyalik klub bilan shartnomasi 2026 yil yozigacha amal qiladi. Manbaga ko‘ra, bu holat "Real"ga transfer bo‘yicha maqbul kelishuvga erishish imkonini beradi. Transfermarkt sayti ma'lumotiga ko‘ra, futbolchining bozor qiymati 40 million yevroni tashkil etadi.