“Реал” сўнгги 16 йилликдаги клуб антирекордини ўрнатди
ФОТО: Getty Images
Мадриднинг “Реал” клуби УЕФА Чемпионлар Лигаси чорак финалининг дастлабки ўйинида “Арсенал”га йирик ҳисобда имкониятни бой бериб қўйди ва сўнгги 16 йилликдаги клуб антирекордини ўрнатди. Бу ҳақда Opta Sport хабар бермоқда.
Манбага кўра, “Қироллик клуби” 2009 йилдан буён биринчи марта Чемпионлар Лигасида кетма-кет иккита ўйинда гол ура олмади. Ўшанда Хуанде Рамос бошчилигидаги “Реал” мусобақанинг 1/8 финалида “Ливерпуль”га ўз майдонида 0:1, сафарда эса 0:4 ҳисобида мағлуб бўлганди.
Эслатиб ўтамиз, Мадрид клуби Чемпионлар Лигаси 1/8 финалининг жавоб ўйинида “Атлетико”га 0:1 ҳисобида мағлуб бўлганди. Икки ўйин натижасига кўра дуранг қайд этилганидан сўнг пенальтилар сериясига мурожаат қилинган. Лотереяда эса омад “Реал”га кулиб боққанди.
Насрулло Каримов
Журналист
