«Реал» саккиз нафар футболчисини сотишга тайёрламоқда
Мадриднинг «Реал» клуби ёзги трансферлар ойнасида саккиз футболчини сотишга тайёрланмоқда. Defensa Central нашрининг хабарига кўра, бу футболчилар ўзидан кутилган даражада ўйин кўрсатмаётган, ёки асосий таркиб аъзоси бўлмаган ва трансфер эвазига жамоага катта маблағ келтириши мумкин бўлган футболчилар ҳисобланади.
Трансфер рўйхатининг бошида вингер Гонсало Гарсия ва ҳужумчи Родриго киритилган. Шунингдек, дарвозабон Андрей Лунин, ҳимоячилар Ферлан Менди ва Фран Гарсия, улар Альваро Каррерас соясида қолаяпгани боис, сотиш имконияти кўриб чиқилмоқда. Рўйхатга ярим ҳимоячилар Даниэл Себальос, Браим Диас ва Эдуарду Камавинга ҳам киритилган.
Ушбу футболчиларни сотиш клубга сезиларли трансфер суммасини олиб келиши ва маош бюджетига сезиларли даражада енгиллик киритиш кутилмоқда.
16 турдан сўнг Испания чемпионатида «Реал» 36 очко билан турнир жадвалида иккинчи ўринда бормоқда. 17 учрашувдан сўнг 43 очко жамғарган «Барселона» эса пешқадамлик қилмоқда.
