«Реал» Родригони Флориан Виртсга алмаштирмоқчи
Бразилиялик вингер ҳозирда етарли ўйин амалиётига эга эмас.
ФОТО: Getty Images
Мадриднинг «Реал» клуби «Ливерпул» ҳужумкор яримҳимоячиси Флориан Виртснинг трансферига қизиқиш билдирмоқда. Бу ҳақда CaughtOffside нашри хабар берди.
Манбага кўра, 22 ёшли немис футболчиси ҳали Премьер-лигага тўлиқ мослаша олмаган.
«Қироллик клуби» бош мураббийи Хаби Алонсо Виртснинг салоҳиятини яхши билади — улар бир пайтлар «Байер»да бирга ишлашган. «Реал» ҳамда «Ливерпул» Родриго ва Виртсни алмаштириш вариантини муҳокама қилиши мумкин.
Ҳозирда Родриго «Реал» асосий жамоасида етарли ўйин амалиётига эга эмас, шу боис клуб уни 2026 йилда ижарага бериш ёки тўлиқ трансфер қилиш имкониятини кўриб чиқмоқда.
Transfermarkt маълумотларига кўра, Флориан Виртснинг бозор қиймати 130 миллион еврони, Родригониники эса 80 миллион еврони ташкил этади.
Насрулло Каримов
Журналист
