«Реал» Родри трансферини яна кун тартибига олиб чиқди
Мадриднинг «Реал» клуби «Манчестер Сити» ярим ҳимоячиси Родрига бўлган қизиқишини яна тиклади. Бу ҳақда Sport.es хабар берди.
Манба маълумотига кўра, «қаймоқранглилар» Испания терма жамоаси сафида 2026 йилги Жаҳон чемпионатида намойиш этган ўйинидан сўнг 30 ёшли футболчини трансфер қилиш имкониятини кўриб чиқмоқда.
Хабар қилинишича, «Реал» бош мураббийи Жозе Моуринью Родрини ўз жамоаси учун идеал ярим ҳимоячилардан бири деб ҳисоблайди ва унинг ўйин услуби португалиялик мутахассис талабларига тўлиқ мос келади, деб ўйлайди.
Аввалроқ Родри ўз келажаги борасидаги қарорни 2026 йилги Жаҳон чемпионати тугаганидан кейин муҳокама қилишини маълум қилган эди. Испания миллий жамоаси мусобақа финалида 19 июль куни майдонга тушади.
Родри Жаҳон чемпионатида 7 та учрашувда иштирок этди. Унинг «Манчестер Сити» билан амалдаги шартномаси 2027 йил ёзига қадар мўлжалланган.
