«Реал» Паснинг «Комо»га 60 млн еврога сотишни таклиф қилди — Романо
Футболчи Мадрид клубига қайтади.
ФОТО: Getty images
Мадриднинг «Реал» клуби «Комо»ни аргентиналик ярим ҳимоячи Нико Паснинг 9 млн евро эвазига сотиб олиш банди фаоллаштирилгани ҳақида расман хабардор қилди. Бу ҳақда инсайдер Фабрицио Романо X ижтимоий тармоғида хабар бермоқда.
Манбага кўра, мадридликлар Италия клубига футболчини 60 млн еврога сотиб олишни таклиф қилган.
Хабар қилинишича, муддат 29 июнь душанбагача белгиланган. Акс ҳолда, Нико Пас «Реал»га қайтади ва яна 60 млн евродан юқори нархда сотувга қўйилади.
Нико Пас 2024 йил ёзида «Реал» ёшлар жамоасидан «Комо»га ўтган эди. Келишув суммаси, ОАВ маълумотларига кўра, ўшанда 6 млн еврони ташкил этган. Келишувда «қаймоқранглилар» футболчини қайтариб олишни хоҳлаган тақдирда товон пули миқдори кўрсатилган эди.
