«Реал» Олисе учун 220 миллион еврогача тўлашга тайёр
Олисенинг амалдаги шартномаси 2029 йилгача мўлжалланган.
ФОТО: Getty images
Мадриднинг «Реал» клуби «Бавария»нинг қанот ҳужумчиси Майкл Олисега ҳамон қизиқиш билдирмоқда.
Испания клуби франциялик вингернинг эҳтимолий трансфери 150 млн евродан қимматроққа тушиши мумкинлигини тушунади. Бу ҳақда Marca нашри хабар бермоқда.
Манбанинг хабарига кўра, «қаймоқранглилар» Олисенинг трансфери учун 200 млн евродан кўпроқ, аммо 220 млн евродан ортиқ бўлмаган маблағ тўлаши мумкин.
Ўтган мавсумда ҳужумчи барча мусобақаларда 52 та ўйинда иштирок этиб, 22 та гол ва 31 та голли узатмага муаллифлик қилди. Олисенинг амалдаги шартномаси 2029 йилгача мўлжалланган.
Transfermarkt порталида тақдим этилган маълумотларга кўра, футболчининг бозор қиймати 150 млн еврони ташкил этади.
