«Реал» Олисе учун 180 миллион евро таклиф қилиши мумкин – манба
Мадрид «Реал» клуби президенти Флорентино Перес «Бавария»нинг қанот ҳужумчиси Майкл Олисени сотиб олиш бўйича таклифни 180 миллион еврогача оширишга тайёр. Бу ҳақда Defensa Central журналист Мигел Серранога таяниб хабар бермоқда.
Аввалроқ «Қироллик клуби» раҳбари франциялик футболчининг трансфери учун 150 миллион евро тўлашга тайёрлиги ҳақида хабар берилган эди.
Шунингдек, аввалроқ журналист Рамона Альварес Олисенинг «Реал»га ўтишни хоҳлаётганини таъкидлаган эди.
Ўтган мавсумда Олисе барча турнирларда 52 та ўйинда майдонга тушиб, 22 та гол ва 31 та голли узатмани амалга оширди.
Футболчининг клуб билан амалдаги меҳнат шартномаси 2029 йилнинг ёзигача мўлжалланган.
Transfermarkt порталида тақдим этилган маълумотларга кўра, футболчининг бозор қиймати 150 миллион еврони ташкил этади.
