«Реал» мухлисларининг катта қисми Винисиуснинг кетишини истамоқда — Marca
Бразилиялик футболчининг амалдаги шартномаси 2027 йилнинг ёзида якунига етади.
ФОТО: Getty Images
Marca нашри ўтказган сўровга кўра, «Реал» мухлисларининг 86 фоизи Мадрид клуби ҳужумчиси Винисиус Жуниорни сотиш энг тўғри қарор бўлишини ҳисоблашмоқда, чунки унинг клубдаги мавқеи қайтарилмас даражада компроматланган.
25 ёшли футболчи атрофидаги можаро Ла Лига 17-туридаги «Реал» – «Севилья» учрашувида (2:0) авж олди. Ўйиннинг охирида Винисиус майдондан чиқарилгач, у эътироз билдирган ҳолда профил расмини ижтимоий тармоқларда Бразилия терма жамоаси футболкаси билан алмаштирди, бу эса вазиятни янада кескинлаштирди.
Жорий мавсумда Винисиус барча мусобақаларда «Реал» сафида 24 та учрашувда майдонга тушиб, бешта гол урди ва саккизта голли узатма амалга оширди. Футболчининг амалдаги шартномаси 2027 йил ёзигача мўлжалланган.
Насрулло Каримов
Журналист
