«Real» muxlislarining katta qismi Vinisiusning ketishini istamoqda — Marca
Marca nashri o‘tkazgan so‘rovga ko‘ra, «Real» muxlislarining 86 foizi Madrid klubi hujumchisi Vinisius Juniorni sotish eng to‘g‘ri qaror bo‘lishini hisoblashmoqda, chunki uning klubdagi mavqei qaytarilmas darajada kompromatlangan.
25 yoshli futbolchi atrofidagi mojaro La Liga 17-turidagi «Real» – «Sevilya» uchrashuvida (2:0) avj oldi. O‘yinning oxirida Vinisius maydondan chiqarilgach, u e’tiroz bildirgan holda profil rasmini ijtimoiy tarmoqlarda Braziliya terma jamoasi futbolkasi bilan almashtirdi, bu esa vaziyatni yanada keskinlashtirdi.
Joriy mavsumda Vinisius barcha musobaqalarda «Real» safida 24 ta uchrashuvda maydonga tushib, beshta gol urdi va sakkizta golli uzatma amalga oshirdi. Futbolchining amaldagi shartnomasi 2027 yil yozigacha mo‘ljallangan.
