«Реал» Моуриньюга қанча маош бериши маълум
Клуб "Бенфика"га ҳам товон пули тўлайди.
ФОТО: Getty images
“Реал” Жоз Моуринью билан шартнома имзолашга яқин. Sport.es нашри хабар беришича, клуб португалиялик мутахассисга йилига 6 миллион евро маош тўлайди.
Бу сумма “қаймоқранглилар”нинг собиқ бош мураббийи Хаби Алонсо олган маошга яқин.
Шунингдек, Sport.es маълумотига кўра, “Реал” Моуриньюнинг ҳозирги клуби “Бенфика”га шартномани муддатидан олдин бекор қилиш учун 7 миллион евро товон пули тўлайди.
Эслатиб ўтамиз, Хаби Алонсo “Реал”ни 2025 йил ёзидан 2026 йил январгача бошқарган. Моуринью эса 2010–2013 йилларда ҳам мадридликлар бош мураббийи бўлган.
Розикжон Султонмуродов
Журналист
