«Real» Mourinyuga qancha maosh berishi ma'lum
Klub "Benfika"ga ham tovon puli to'laydi.
ФОТО: Getty images
“Real” Joze Mourinyo bilan shartnoma imzolash arafasida. Sport.es nashrining xabariga ko'ra, klub portugaliyalik mutaxassisga yiliga 6 million yevro maosh to'laydi.
Bu summa “qaymoqranglilar”ning sobiq bosh murabbiyi Xabi Alonso olgan maoshga yaqin.
Shuningdek, Sport.es ma'lumotiga ko'ra, “Real” Mourinyoning hozirgi klubi “Benfika”ga shartnomani muddatidan oldin bekor qilgani uchun 7 million yevro tovon puli to'laydi.
Eslatib o'tamiz, Xabi Alonso “Real”ni 2025 yil yozidan 2026 yil yanvarigacha boshqargan. Mourinyo esa 2010–2013 yillarda ham madridliklarning bosh murabbiyi bo'lgan.
Roziqjon Sultonmurodov
Jurnalist
