“Реал Мадрид” 16 ёшли ярим ҳимоячи билан шартнома имзолашга яқин турибди

Футбол 08 ийн 2025 да 06:29

Насрулло Каримов

Журналист

Мадриднинг “Реал” клуби “Аякс” ёшлар тизими вакили Абдуллоҳ Уазанни сотиб олишга яқин турибди. Бу ҳақда AS нашри хабар бермоқда.

Манбага кўра, 16 ёшли марокашлик марказий ярим ҳимоячи Нидерландия клуби билан шартномани узайтириш бўйича уч марта таклиф олган, бироқ у “Қироллик клуби”га ўтишни афзал кўрган.

Таъкидланишича, Уазан 30-июн куни эркин агентга айланади, шунинг учун у испан гранди сафига текинга бориб қўшилиши мумкин.

Маълумот учун, Уазан 2016-йилдан буён “Аякс” тизимида ўйнаб келмоқда. У ўтган мавсум барча турнирларда 20 та ўйин ўтказиб, 7 та гол урди ва битта голли узатмани амалга оширди.