“Real Madrid” 16 yoshli yarim himoyachi bilan shartnoma imzolashga yaqin turibdi

Futbol 08 iyn 2025 da 06:29

Nasrullo Karimov

Журналист

Madridning “Real” klubi “Ayaks” yoshlar tizimi vakili Abdulloh Uazanni sotib olishga yaqin turibdi. Bu haqda AS nashri xabar bermoqda.

Manbaga ko'ra, 16 yoshli marokashlik markaziy yarim himoyachi Niderlandiya klubi bilan shartnomani uzaytirish bo'yicha uch marta taklif olgan, biroq u “Qirollik klubi”ga o'tishni afzal ko'rgan.

Ta'kidlanishicha, Uazan 30-iyun kuni erkin agentga aylanadi, shuning uchun u ispan grandi safiga tekinga borib qo'shilishi mumkin.

Ma'lumot uchun, Uazan 2016-yildan buyon “Ayaks” tizimida o'ynab kelmoqda. U o'tgan mavsum barcha turnirlarda 20 ta o'yin o'tkazib, 7 ta gol urdi va bitta golli uzatmani amalga oshirdi.

Aloqador jamoalar va ligalar

Real Madrid

Ajax