\"Реал\" Каррерасни сотиб олишга яқин турибди
Фото: Getty Images
“Бенфика” ҳимоячиси Альваро Каррерас фаолиятини Мадриднинг “Реал” клубида давом эттириши мумкин, дея хабар беради Marca.
Қайд этилишича, “Бенфика” чап қанот ҳимоячиси бўйича музокаралар баҳордан бери давом этмоқда. Клублар ўртасидаги жаҳон чемпионатидан сўнг Каррерас “қироллик” клуби аъзосига айланиши кутилмоқда.
Transfermarkt портали Альваро Каррераснинг трансфер қийматини 35 млн еврога баҳоламоқда.
Футболчининг “Бенфика” билан шартномасида 50 млн евро товон пули кўрсатилган.
Агар томонлар келишувга эришса, Альваро “Реал”нинг 4-харидига айланади.
Розикжон Султонмуродов
Журналист
