«Реал» Калафьори билан шартнома имзоламоқчи
«Реал» «Арсенал» ҳимоячиси Риккардо Калафьори билан шартнома имзолашга қизиқмоқда, деб хабар беради инсайдер Николо Скира.
Манбага кўра, Испания клуби ушбу трансферни устувор деб ҳисобламоқда ва 24 ёшли италияликни сотиб олиш бўйича Лондон клубига расмий сўров юборган.
Ўтган куни журналист Рамон Альварес де Моннинг хабар беришича, яқин орада «Реал»га тайинланиши кутилаётган мураббий Жозе Моуриньо Мадрид клубидан «Арсенал» ҳимоячисини сотиб олишни сўраган.
Ўйинчининг универсаллиги Моуриньони ҳайратда қолдирмоқда — Калафьори ҳам ҳимоя марказида, ҳам чап қанотда ҳаракат қила олади. Бундан ташқари, у аввалроқ футболчи билан «Рома»да ишлаган.
Ўтган мавсумда ҳимоячи «Арсенал» сафида барча турнирларда 36 та ўйин ўтказиб, битта гол урди ва учта голли узатмани амалга оширди. Transfermarkt маълумотларига кўра, Калафьорининг бозор қиймати 55 миллион еврони ташкил этади.
