“Реал” ҳимояси яна дарз кетди
ФОТО: Getty Images
Мадриднинг “Реал” клуби ҳимоячиси Давид Алаба яна жароҳат олди. Бу ҳақда “қаймоқранглилар” матбуот хизмати хабар бермоқда.
“Тиббий кўрикдан сўнг Давид Алаба чап оёғининг болдирини шикастлаб олгани аниқланди”, - дейилади клуб баёнотида.
Маълумотларга кўра, австриялик футболчи ушбу жароҳат сабаб бир ойни ўтказиб юбориши мумкин. Бундан кўринадики, Алаба учун Клублар ўртасидаги Жаҳон чемпионати ўз якуннига етди.
Эслатиб ўтамиз, Алаба 2023-йилнинг декабрь ойидан 2025-йилнинг январигача жароҳати сабаб майдонга туша олмаганди. Умуман олганда, 33 ёшли футболчи ўтган мавсум барча турнирларда 14 та ўйинда иштирок этди.
Насрулло Каримов
Журналист
