«Реал» Диоманде трансферини якунлашга яқин – Жейкобс

Мадриднинг «Реал» клуби «РБ Лейпциг» вингери Ян Диоманде трансферини амалга оширишга жуда яқин турибди.

Инсайдер Бен Жейкобснинг маълум қилишича, «қаймоқранглилар» 19 ёшли иқтидорли футболчининг трансфери бўйича «РБ Лейпциг» билан принципиал келишувга эришган.

Аввалроқ эса ивуариялик вингернинг ўзи «Реал» билан беш йиллик шахсий шартнома шартларини келишиб олган эди.

Ян Диоманде 2025 йилнинг ёзида Германия клубига келиб қўшилган. У Бундеслигадаги дебют мавсумида юқори савияда ўйин намойиш этиб, 12 та гол урди ва 8 та голли узатмани амалга оширди.

Агар барча расмий жараёнлар муваффақиятли якунланса, Диоманде яқин вақт ичида «Реал» футболчиси сифатида таништирилиши кутилмоқда.

Розикжон Султонмуродов

Журналист