«Real» Diomande transferini yakunlashga yaqin – Jacobs

Madridning «Real» klubi «RB Leyptsig» vingeri Yan Diomande transferini amalga oshirishga juda yaqin turibdi.

Insayder Ben Jacobsning ma’lum qilishicha, «qaymoqranglilar» 19 yoshli iqtidorli futbolchining transferi bo‘yicha «RB Leyptsig» bilan prinsipial kelishuvga erishgan.

Avvalroq esa ivuariyalik vingerning o‘zi «Real» bilan besh yillik shaxsiy shartnoma shartlarini kelishib olgan edi.

Yan Diomande 2025 yilning yozida Germaniya klubiga kelib qo‘shilgan. U Bundesligadagi debyut mavsumida yuqori saviyada o‘yin namoyish etib, 12 ta gol urdi va 8 ta golli uzatmani amalga oshirdi.

Agar barcha rasmiy jarayonlar muvaffaqiyatli yakunlansa, Diomande yaqin vaqt ichida «Real» futbolchisi sifatida tanishtirilishi kutilmoqda.

Roziqjon Sultonmurodov

Jurnalist