«Реал» Беллингем билан келишувга эришди – манба
Янги битим 2031 йилнинг ёзига қадар амал қилади.
Фото: Getty Images
«Реал» ярим ҳимоячи Жуд Беллингем билан шартномани узайтириш борасида келишиб олди. Англиялик футболчининг янги меҳнат шартномаси 2031 йилнинг ёзигача мўлжалланган бўлади. Бу ҳақда АС ўз саҳифаларида маълум қилди.
Манбанинг таъкидлашича, Беллингемнинг шартнома шартлари яхшиланади, бу эса футболчининг жамоа учун мақоми ва аҳамиятига мос келади.
Жуд Беллингем 2023 йилнинг ёзида Дортмунднинг «Боруссия» жамоасидан «Реал»га ўтган эди. Ўшандан бери Англия миллий жамоаси аъзоси 150 та ўйинда майдонга тушиб, 49 та гол урди ва 34 та голли узатмани амалга оширди.
Маълумот учун, якшанба, 18 октябр куни мадридликлар ўз уйида, «Сантяго Бернабеу» стадионида «Севиля»ни қабул қилади.
