«Реал» 2026/27 йилги мавсум учун сафар либосини тақдим қилди
Либосда Adidas'нинг машҳур Trefoil логотипи ҳам жойлаштирилган.
ФОТО: Getty images
Мадриднинг «Реал» клуби расмий сайти орқали 2026/27 йилги мавсум учун мўлжалланган иккинчи (сафар) ўйин формасини намойиш этди.
Янги либос Adidas билан ҳамкорликда ишлаб чиқилган бўлиб, у тўқ яшил рангда тайёрланган. Дизайнда крем тусидаги безаклар қўлланилган бўлиб, клуб аввал фойдаланган ранглар уйғунлиги замонавий услубда қайта талқин қилинган.
Либосда клуб бош ҳарфлари акс этган енгил геометрик нақшлар жой олган. Шунингдек, футболкага крем рангли безаклар билан ишланган замонавий ёқа қўшилган.
Бундан ташқари, либосда Adidas'нинг машҳур Trefoil логотипи ҳам жойлаштирилган. Клуб таъкидлашича, ушбу логотип юқори технологияли спорт ечимларини футбол маданияти ва майдон ташқарисидаги услуб билан уйғунлаштиради.
Розикжон Султонмуродов
Журналист
