Расман! “Ювентус” жорий мавсум бирорта ҳам ўйинда қатнашмаган футболчи билан шартномани узайтирди
ФОТО: Getty Images
Туриннинг “Ювентус” клуби Аркадуш Милик билан шартномани 2027-йилнинг июн ойига қадар узайтирди. Бу ҳақда клуб матбуот хизмати хабар берди.
Эслатиб ўтамиз, Милик туринликлар сафида 2023-йилдан буён ўйнаб келмоқда. Полшалик футболчи ўтган ёзда терма жамоадаги ўйинда тиззасидан олган жароҳати сабаб жорий мавсум бирорта ҳам ўйинда майдонга тушмади.
Маълумот учун, “Ювентус” айни дам 62 очко билан А Серия турнир жадвалида 4-ўринда бормоқда. Клуб ўзининг навбатдаги ўйинини 4-май куни “Болонья”га қарши ўтказади. Учрашув Тошкент вақти билан соат 23:45 да старт олади.
Насрулло Каримов
Журналист
