Расман: Лерой Сане — \"Галатасарой\" футболчиси
Фото: Getty Images
Лерой Сане фаолиятини «Галатасарой»да давом эттиради.
“Бавария” билан шартномаси якунланган 29 ёшли вингер эркин агент сифатида Туркия чемпиони сафига ўтди.
Битим 2028 йил ёзигача мўлжалланган. Сане туркияликлар сафида йилига солиқлардан кейин 9 миллион евро маош олади. Шунингдек, 3 млн евро атрофида бонус олиши ҳам кўзда тутилган.
Германиялик футболчи ўтган мавсумда Бундеслигада 30 ўйинда 11 гол ва 5 ассистни ўз ҳисобига ёздириб қўйган.
