Расман: Де Росси — «Женоа» бош мураббийи
Италиялик мутахассис яна А Серияга қайтди.
ФОТО: Getty Images
Италиялик мутахассис Даниеле Де Росси «Женоа» бош мураббийига айланди. Бу ҳақда клуб матбуот хизмати расман эълон қилди.
«Женоа» Даниеле Де Россининг асосий жамоа бош мураббийи сифатида тайинланганини эълон қилади. Янги мураббий футболчилар билан учрашиб, бугунги машғулотни «Синорини» спорт марказида ўтказади», — дейилади клуб баёнотида.
Эслатиб ўтамиз, Де Россининг сўнгги иш жойи Римнинг «Рома» клуби ҳисобланади.
Маълумот учун, «Женоа» айни дам А Серия турнир жадвали 6 очко билан 18-ўринда бормоқда. Мусобақа етакчиси 22 очкога эга «Наполи» ҳисобланади.
Насрулло Каримов
Журналист