Расман! “Байер” голландиялик дарвозабон билан шартнома имзолади
Футбол
Насрулло Каримов
Журналист
ФОТО: Getty Images
Леверкузеннинг “Байер” клуби “Брентфорд” дарвозабони Марк Флеккен билан шартнома имзолаганини расман эълон қилди. Бу ҳақда клуб матбуот хизмати хабар берди.
Манбага кўра, томонлар 2028 йилгача мўлжалланган битимга имзо чеккан. “Байер”га ушбу трансфер 10 миллион еврога тушган.
Маълумот учун, 31 ёшли голландиялик голкипер ўтган мавсум барча турнирларда 39 та ўйинда майдонга тушиб, 8 тасида ўз дарвозасини дахлсиз сақлаб қолди. Унинг Transfermarkt’даги нархи 10 миллион евро деб баҳоланмоқда.
