Расман! “Арсенал” Габриэл Магаляш билан шартномани узайтирди
ФОТО: Getty Images
Лондоннинг “Арсенал” клуби Габриэл Магаляш билан шартномани узайтирганини эълон қилди. Бу ҳақда “канонирлар” матбуот хизмати хабар берди.
Манбага кўра, томонлар ўртасидаги келишув тафсилотлари ҳали ошкор қилинмаган. Аммо “Арсенал” расмий сайти футболчи билан узоқ муддатли шартнома имзолаганини таъкидламоқда.
Маълумот учун, Габриэл 2020-йилдан буён “Арсенал” сафида ўйнаб келмоқда. У ўтган мавсум 42 та ўйинда майдонга тушиб, 5 та гол урди ва 3 та голли узатмани амалга оширди.
Насрулло Каримов
Журналист
