Расман: Абдуқодир Ҳусанов «Манчестер Сити» билан шартномасини 2031 йилгача узайтирди
Унинг маоши ҳам сезирарли даражада оширилди.
ФОТО: Getty images
Англиянинг «Манчестер Сити» клуби расмий сайти орқали Ўзбекистон миллий жамоаси ҳимоячиси Абдуқодир Ҳусанов билан тузилган шартнома узайтирилганини эълон қилди.
Янги келишувга кўра, 21 ёшли марказий ҳимоячи 2031 йилгача «шаҳарликлар» сафида тўп суради. Унинг маоши ҳам сезирарли даражада оширилди.
Ҳусанов 2025 йилда Франциянинг «Ланс» клубидан «Манчестер Сити» сафига қўшилган эди. Қисқа вақт ичида у жамоанинг муҳим футболчиларидан бирига айланиб, ишончли ўйини билан мураббийлар штаби ишончини қозонди.
Янги шартнома клуб раҳбариятининг ўзбекистонлик футболчига бўлган юқори ишончи ва унинг келажакдаги режаларда муҳим ўрин тутишини яна бир бор тасдиқлайди.
Розикжон Султонмуродов
Журналист
