Рафинья янги агент билан шартнома имзолайди
«Барселона» ҳужумчиси Рафинья Диас энди Али Барат билан ҳамкорлик қилади. 29 ёшли футболчи яқин вақт ичида агент билан расмий шартнома имзолайди. Бу ҳақда Sport хабар берди.
Қизиғи, бразилиялик футболчи уч йилдан ортиқ вақт давомида агентисиз ҳаракат қилган. Аввалроқ унинг ишлари билан Деку шуғулланган. Бироқ Деку 2023 йил ёзида «Барселона»нинг спорт директори лавозимига тайинланганидан кейин Рафинья агентсиз қолган эди.
Эслатиб ўтамиз, «Барселона» Рафинья билан шартномани 2030 йилгача узайтиришга яқин турибди. Ҳозирда келишувни расмийлаштириш учун сўнгги масалаларни ҳал қилиш қолган.
Кутилишича, янги агент музокараларни муваффақиятли якунлашда Рафиньяга ёрдам беради.
Рафинья жорий мавсумда «Барселона» сафида саккизта учрашувда 14 та гол урди ва учта голли узатмани амалга оширди.
