Рафинья: «Менга барибир»
«Барселона» ҳужумчиси ФИФА рамзий жамоасига киритилмаганига муносабат билдирди.
ФОТО: Getty Images
«Барселона»нинг қанот ҳужумчиси Рафинья 2025 йил якунлари бўйича ФИФА рамзий терма жамоасига киритилмагани борасида муносабат билдирди.
«Менга барибир», — дея Рафиньянинг сўзларини келтиради El Desmarque.
Ўтган мавсумда Рафинья «Барселона» сафида барча мусобақалар доирасида 57 та учрашувда майдонга тушиб, 34 та гол ва 26 та голли узатма муаллифига айланган. У Чемпионлар лигасида 13 та гол билан мусобақанинг энг яхши тўпурари, саккизта ассист билан эса энг яхши ассистенти бўлди. Шунингдек, Рафинья каталонияликлар билан бирга Испания чемпионати, мамлакат кубоги ва Суперкубогини қўлга киритган.
Жорий мавсумда эса бразилиялик футболчи барча турнирларда 14 та ўйинда иштирок этиб, еттита гол ва учта голли узатма амалга оширган.
Насрулло Каримов
Журналист
