Рафинья Чемпионлар Лигасида ғалаба қозонмагунча «Барселона»ни тарк этмайди — манба
Бразилиялик вингернинг каталонияликлар билан тузган амалдаги шартномаси 2028 йилнинг ёзида якунига етади.
ФОТО: Getty Images
«Барселона»нинг қанот ҳужумчиси Рафинья УЕФА Чемпионлар Лигасини ютмагунча клубни тарк этмоқчи эмас. Бу ҳақда машҳур испан нашри Sport.es хабар берди.
Бразилиялик футболчи 2022 йил ёзидан буён каталонияликлар сафида тўп суриб келмоқда. Рафиньянинг «Барселона» билан амалдаги шартномаси 2028 йил июн ойи охиригача мўлжалланган.
Жорий мавсумда у барча мусобақаларда 13 та ўйинда майдонга тушиб, 6 та гол урди ва 3 та голли узатма амалга оширди. Transfermarkt портали футболчининг бозор қийматини 80 миллион евро деб баҳоламоқда.
Маълумот учун, Чемпионлар Лигасининг амалдаги ғолиби Франциянинг «Пари Сен-Жермен» клуби ҳисобланади.
Насрулло Каримов
Журналист
