Рафаэль Надал «Реал Мадрид» президенти бўлиши ҳақидаги хабарларни рад этди
Аввалроқ Флорентино Перес муддатидан олдин сайловлар ўтказилишини эълон қилганди.
ФОТО: Getty Images
«Катта дубулға» тоифасига кирувчи турнирларнинг 22 карра ғолиби, испаниялик теннисчи Рафаэль Надал Мадриднинг «Реал» клуби президенти бўлиши борасидаги миш-мишларга муносабат билдирди.
Собиқ спортчи ва клубнинг ашаддий мухлиси ушбу лавозимга ўз номзодини қўйиши ҳақидаги маълумотларни тасдиқламади.
«Мени «Реал» президенти лавозимига эҳтимолий номзод сифатида боғлаётган маълумотларни ўқидим. Шуни аниқлаштириб ўтмоқчиманки, бу хабарлар ҳақиқатга тўғри келмайди», — деди Надал.
Аввалроқ, «Реал»нинг амалдаги президенти Флорентино Перес муддатидан олдин сайловлар ўтказилишини эълон қилган эди. Шундан сўнг, ОАВда Надал ушбу сайловларда иштирок этиши мумкинлиги ҳақида хабарлар тарқалди.
Насрулло Каримов
Журналист
