\"ПСЖ” — “Реал” учрашувини Марчиняк бошқаради
Фото: Getty Images
Шимон Марчиняк клублар ўртасидаги жаҳон чемпионатининг ярим финал учрашувига тайинланди.
Польшалик ҳакам бошчилигидаги бригада турнирнинг финал йўлланмаси учун кечадиган “Реал” — “ПСЖ” баҳсида ишлашади.
Бу ҳакам аввалроқ “Реал”нинг “Ювентус”га қарши баҳсида ҳам ишлаганди. Ўйинда “Реал” ғалаба қозониб, ярим финалга йўл олганди.
Эслатиб ўтамиз, “ПСЖ” — “Реал” ўйини 9 июль куни Ист-Рутерфордда бўлиб ўтади.
Ярим финалнинг иккинчи баҳсида “Флуминенсе” ва “Челси" жамоалари тўқнаш келишади. Ўйин бугун Тошкент вақти билан соат 23:59да бошланади.
