Пиоли «Фиорентина» бош мураббийи этиб тайинланди
Фото: Getty Images
Стефано Пиоли "Фиорентина" жамоасига бош мураббий этиб тайинланди. Бу ҳақда клуб матбуоти хабар берди.
Италия жамоаси 59 ёшли мутахассис билан 2028 йилнинг ёзигача бўлган шартнома имзолади. Бундан олдин Пиоли Саудия Арабистонинг "Ан-Наср" клубини бошқарган эди.
Италийталик мураббий учун Италия А Серияси бегона эмас. У аввал "Милан" ни бошқарган ва жамоа билан Италия чемпионлигини қўлга киритган.
Пиоли аввал футболчи сифатида 1989-1995 йилларда “Фиорентина”да ўйнаган ва 2017-2019 йилларда жамоани бошқарганди.
Розикжон Султонмуродов
Журналист