Перес Конатенинг «Реал»га трансферини маъқуллади — El Chiringuito
Ҳимоячи Ибрахима Конате, агар Флорентино Перес Мадрид клуби президенти лавозимига қайта сайланса, "Реал" футболчисига айланади, деб хабар беради El Chiringuito.
Испания манбаларининг хабар беришича, "қаймоқранглилар"нинг амалдаги раҳбари франциялик ҳимоячи билан келишувга эришган ва келишувни деярли тайёрлаб қўйган.
Бироқ, унинг якуний амалга оширилиши бевосита Переснинг президентлик лавозимида қолишига боғлиқ.
Яқинда Конате шартномаси тугагач, эркин агент мақомига эга бўлиб, "Ливерпуль"ни тарк этди. Бир қатор Европа клубларининг қизиқишига қарамасдан, 27 ёшли футболчини ўз сафига қўшиб олиш учун асосий даъвогар айнан "Реал" бўлиб қолмоқда.
Агар Перес сайловлар натижасига кўра ўз лавозимини сақлаб қолса, Мадрид клуби ҳимоячининг трансферига компенсация тўламасдан якунлай олади.
Шунингдек, бундай ҳолда Конатеден сўнг "Комо" ярим ҳимоячиси Нико Пас ҳам "Реал"га ўтиши хабар қилинмоқда.
