Перес 2026 йилда «Реал» президентлиги лавозимини тарк этади
Унинг ваколати 2028 йилда якунига етади.
ФОТО: Getty images
“Реал” президенти Флорентино Перес 2026 йилда вазифасиин тарк этишга қарор қилди, дея хабар тарқатмоқда журналист Пепе Альварес.
Манбага кўра, Перес клуби аъзолари референдумининг қароридан қатъий назар, раҳбариятни тартибли равишда топширишга тайёр.
Эслатиб ўтамиз, 78 ёшли Перес 2000 йилда илк маротаба клуб раҳбариятига айланган. 2009 йилда яна қайта ушбу лавозимга сайланган. Унинг ваколати 2028 йилда якунига етади.
Маълумот учун, Переснинг бошқаруви даврида “қироллик” клуби 7 марта Чемпионлар Лигаси, Ла Лига ва Испания Суперкубогида ғолиб чиққан. УЕФА Суперкубогини эса 6 марта, клублар ўртасидаги жаҳон чемпионатини 5 марта, Испания кубогини 3 марта ва Интерконтинентал кубогини 2 марта қўлга киритган.
Розикжон Султонмуродов
Журналист
