Peres 2026 yilda «Real» prezidenti lavozimini tark etadi
Uning vakolati 2028 yilda yakuniga yetadi.
ФОТО: Getty images
“Real” prezidenti Florentino Peres 2026 yilda vazifasini tark etishga qaror qilgani haqida jurnalist Pepe Alvares xabar bermoqda.
Manbaga ko‘ra, Peres klub a’zolari referendumining qaroridan qat’i nazar, rahbariyatni tartibli ravishda topshirishga tayyor.
Eslatib o‘tamiz, 78 yoshli Peres 2000 yilda ilk bor klub rahbariyatiga saylangan. 2009 yilda yana ushbu lavozimga qayta tanlangan. Uning vakolati 2028 yilda yakuniga yetadi.
Ma’lumot uchun, Peres boshqaruvi davrida “qirolicha” klubi 7 marta Chempionlar Ligasi, La Liga va Ispaniya Superkubogida g‘olib bo‘lgan. UEFA Superkubogini esa 6 marta, klublar o‘rtasidagi jahon chempionatini 5 marta, Ispaniya kubogini 3 marta va Interkontinental kubogini 2 marta qo‘lga kiritgan.
Roziqjon Sultonmurodov
Jurnalist
