Pedrining жароҳати кутилганидан жиддийроқ бўлиб чиқди
«Барселона» яримҳимоячиси Pedrining жароҳати дастлабки тиббий хулосаларга қараганда анча жиддийроқ экани маълум бўлди.
Аввалроқ каталонияликлар расмий сайти футболчида чап сонининг икки бошли мушак дистал қисмида ёрилиш борлигини хабар қилганди.
Бироқ, AS нашрининг ёзишича, кейинги текширувларда Pedrida суяк синши ҳам аниқланган ва у камида олти ҳафта майдонга туша олмайди.
Шу сабабли, испаниялик футболчи 25 ноябрь куни «Челси»га қарши бўлиб ўтадиган Чемпионлар лигаси 5-тур учрашувида жамоасига ёрдам бера олмайди. Бундан ташқари, у Испания La Ligasidagi 6 та ўйинни ҳам ўтказиб юбориши мумкин.
Маълумот учун, Pedri жорий мавсум барча турнирларда 13 та ўйинда майдонга тушиб, 2 та гол урди ва 2 та голли узатмани амалга оширди. Унинг Transfermarkt'dаги нархи 140 миллион евроға баҳоланмоқда.
