Педри жароҳат олиб, узоқ муддатга сафдан чиқди

Каталониянинг «Барселона» клуби яримҳимоячиси Педри жароҳат олиб сафдан чиқди. Бу ҳақда «кўк-анорранглилар» матбуот хизмати хабар бермоқда.

Манбага кўра, 22 ёшли футболчи машғулотлар вақтида чап сонидаги икки бошли мушакнинг пастки қисмини шикастлаб олган.

Қайд этилишича, Педри камида уч ҳафта майдонга туша олмайди.

Маълумот учун, Педри жорий мавсум барча турнирларда 13 та ўйинда майдонга тушиб, 2 та гол урди ва 2 та голли узатмани амалга оширди. Унинг Transfermarkt'даги нархи 140 миллион евроға баҳоланмоқда.

Насрулло Каримов

Журналист