Pedri jarohat olib, uzoq muddatga safdan chiqdi
«Barselona» jiddiy yoʻqotishga uchradi.
FOTO: Getty Images
Kataloniyaning «Barselona» klubi yarimhimoyachisi Pedri jarohat olib safdan chiqdi. Bu haqda «ko‘k-anorranglilar» matbuot xizmati xabar bermoqda.
Manbaga koʻra, 22 yoshli futbolchi mashgʻulotlar vaqtida chap sonidagi ikki boshli mushakning pastki qismini shikastlab olgan.
Qayd etilishicha, Pedri kamida uch hafta maydonga tusha olmaydi.
Maʼlumot uchun, Pedri joriy mavsum barcha turnirlarda 13 ta oʻyinda maydonga tushib, 2 ta gol urdi va 2 ta golli uzatmani amalga oshirdi. Uning Transfermarkt'dagi narxi 140 million yevroga baholanmoqda.
Nasrullo Karimov
Jurnalist
