Педри: «Афсуски, Месси билан биоз бўлса ҳам гаплашиб олишга улгурмадик»
«Барселона» яримҳимоячиси Педри клубнинг собиқ ҳужумчиси Лионель Мессининг клубнингнинг уй стадиони — «Камп Ноу»га ташрифи ҳақида қандай хабар топганини айтди. Ўтган йил ноябрь ойида аргентиналик футболчи янгиланган аренгага ташриф буюрган ва ушбу жойни бутун қалби билан соғиниб юрганини таъкидлаган эди.
«Бу ҳақда ижтимоий тармоқлар орқали билдим, чунки ҳамма жойда ёзила бошланди. Буни сезмаслик қийин эди. Афсуски, биоз бўлса ҳам гаплашиб олишга улгурмадик.
Мессининг «Барселона»га қайтишига хоҳлармидим? Албатта, ҳеч қандай шубҳасиз. У тарихдаги энг зўр футболчи ва бирга ўйнаган мавсумида менга жуда катта ёрдам берган», — дея Педрининг сўзларини келтиради Esquire.
Маълумот учун, Лионель Месси «Барселона» тарихидаги энг яхши тўпурар бўлиб, клуб сафида 778 та учрашувда 672 та гол муаллифига айланган. Каталонияликлар таркибида у етти бор «Олтин тўп» соҳибига айланган.
